إبليس قافلة معاو وبتجول في شوارع سواكن... خلاص لا حل غير الهجرة، هذا لسان حاله وهو يستعد للذهاب للباخرة.
الجماعة بتوع الشمار اتلموا يشمشروا:
- "مالك يا إبليس مسافر؟ البلد حلوة والخير واجد... والشغل مزبوط المسفرك شنو؟"
- إبليس: "يا جماعة خلو التطبيل... الواحد يتعب ويشقى واليوم كلوا يشجع في الجماعة أسرق، أنهب، العمارة دي حلوة صادرها، شوف أمجاد دي اتلعبس مع السواق وأطلع ليك منو بقرشين تلاتة....... في النهاية الواحد يزبط أمورو ويعمل ليو بقالة كاربة ولا سوبر ماركت وأول حاجة يسويها إنساك"
- الشمشارين: "كيف إنساك يا شيخنا."
- إبليس: "كيف؟ الواحد يعمل ليو يافطة ماكنة، وبعد السفح واللفح دا كلو يكتب ليك فيها (هذا من فضل ربي؛ هل هنالك تهميش أكثر من ذلك؟)"
تخريمة: هل نأخذ العبرة من إبليس أخيراً؟؟؟؟؟!!!!!!
كل الود،
المانجلك،
الجمعة مارس 28, 2008 12:17 pm
